Home | Pakistan News | Politics | Current Affairs | Religious Affairs | Human Rights | Terrorism News | Write to Us | Links Partners
Google
 

Sahir Ludhianvi born on March 8, 1921 in Ludhiana, India and died On October 25, 1980, at the age of fifty-nine, Sahir Ludhianvi was a very popular Urdu poet and Hindi lyricist and songwriter. Sahir Ludhianvi is from one of the very few peoples influencial amongs poetry lovers specially the youth.

Khudaa-e-bartar terii zameeN par, zameeN ki Khaatir, ye jaNg kyoN hai?


har ik fatah-o-zafar ke daaman pe Khuun-e-insaaN ka raNg kyoN hai?
zameeN bhi teri, haiN ham bhi tere, ye milkiyat ka savaal kyaa hai?

ye qatl-o-KhuuN ka rivaaz kyoN haiN? ye rasm-o-jaNg-o-jadaal kyaa hai?

jinheiN talab hai jahaan bhar ki unhiiN ka dil itnaa taNg kyoN hai?

Khudaa-e-bartar terii zameeN par, zameeN ki Khaatir, ye jaNg kyoN hai?

Ghareeb maaoN, shareef behnoN ko amn-o-izzat kii zindagii de

jinheiN ataa kii hai tuu ne taaqat, unheiN hidaayat kii roshnii de

saroN meiN kibr-o-Gharoor kyoN hai? diloN ke sheeshe pe zaNg kyoN hai?

Khudaa-e-bartar terii zameeN par, zameeN ki Khaatir ye jaNg kyoN hai?
qazaa ke raste pe jaanevaaloN ko bach ke aane kii raah dena

diloN ke gulshan ujaR na jaayeiN, muhabbatoN ko panaah dena

jahaaN meiN jashn-e-vafaa ke badle, ye jashn-e-teer-o-tufaNg kyoN hai?

Khudaa-e-bartar teri zameeN par, zameeN ki Khaatir, ye jaNg kyoN hai?
  

1 comments
  1. fan January 9, 2010 at 11:49 PM  

    The magical wording of sahir ludhianvi poetry lives forever

Post a Comment